77 - Ban an di-w sa. ...

Partage entre internautes
Répondre
Potomitan
Moderator
Moderator
Messages : 200
Inscription : vendredi 09 juillet 2004 16:18
Contact :

77 - Ban an di-w sa. ...

Message par Potomitan »

16 mwajwen Èstòkòlm

Ban an di-w sa. Tini anlo moun an konèt ki pani entènèt, alóspoudonk mwen okipé ka kopyé bon fré a nich-twèl-la é voyé ba yo. Menm séla ki pa enmé li-la oblijé li. Yo ka tèlman kontan.

Tini onpakyèt moun péyi an nou ki pa té konèt ka ki kilti kréyòl anvérité. On pakyèt menm Afarèl. Mwen-menm paté ni tout fré-la. É bonDyé sav an ka li. Anpaté menm sav ka GEREC té yé. Apa jé hon!

Wè! An dèyè menm, mé an ka avansé douvan-douvan an plen chanjmandè dè lakonésans é sé lakonésans ki bay. An vwè foto à Misyé Bernabé. An té ka li-y mé an pòkò té jan vwè-y pa menm an pòtré mé i ka sanm on moun an konèt. An té byen kontan.

Wè! Anka kontinyé davwa sé yenki konmansé an ka konmansé. Lè-w sav ki lè-w konpwann ou fini sé lè prèmyé dè kousmansman sé bayadan.

A vou Afarèl, Fransèska, Patrik Chamwazo (an té ja kouté-y Sòbonn ni bon dé-twa lanné) misyé Bènabé et tout lakou kréyòl qui ne dort pas, an ka di zòt tout MÈSI!

Maksèt
Potomitan
Moderator
Moderator
Messages : 200
Inscription : vendredi 09 juillet 2004 16:18
Contact :

Message par Potomitan »

Mi sé pou sa fok, anmizi-anmizi, nou apwann mété travay-nou asou Entènet ! Ou ka rété Estokolm é, magré ou lwen, ou ja ni "Diksionnè kréyol matinitjé" mwen an anba zié'w. Dayè, anni gadé kantité moun ki ja vizité diksionnè-a dépi 2 mwa : yo plis ki 4.000 !

Janmen, si ou vwè man té fè diksionnè-tala an manniè ki tradisionnel, kivédi kon an liv, janmen man pa té ké rivé touché tou sa moun an si pé tan ! Mé sa pa lé di non pli ki fok nou arété fè liv. Liv-la sé an bagay ki pòtalan, ki pratik, ki ou pé chayé dèyè'w toupatou ki ou bò lanmè ki ou adan an dézè.

Sé pou sa diksionnè-mwen an, man ké pibliyé'y an finisman a lanné 2005 la. Ki jan ou ka rivé tjébé anba frédi péyi La Sied la?

Antouléka mèsi di ankourajman'w é kenbé red !

Afarel
Répondre