15.5.2004
Metamanniok,
An té vlé di'w dé biten :
1. plis an ka gadé , pli an ka kwè "diksio"-la sé on bon lidé té météy si nich-twel-la la, davwa ou kay pé rété an liannaj épi pep kreol la é gadé-vwè jan moun-la ka ka réaji. Dayè an ka jis mandé mwen, si on jou, i pé ké fo'w mété on " roman" asi twel-la, avè pliziè bout é mandé moun-la pòté grenn sel a yo..??
2. chak jou an ka kòlè plis, lè an ka kouté model kreol sé nouvélis a Gwada la ( jounal kréol a 6 zè lé maten, é "kout-zié" lé midi an Télé-la ) ka voyé douvan. An ka woumandéw ofisielman, kijan fè pou avan lontan nou mété doubout, avè GEREC-la, on dékatman pou mizi-an-mizi, nou fè nouvélis gwada, Matinik, la Giyàn é dot péyi konprann fo yo ( wou) aprann palé kréol avan yo ay fè nouvel? é an plis.. apwann piplis asi mes é labitid a pep kréol pou ba nouvel a yo plis "fondalité"... kivédi es fo pa dépi alè prévwa estaj é formasion kréol pou nouvélis? mi sé konba la sa osit ki ni a menné... ou ké di mwen, zot ( GEREC-F) ni dot biten pli fondal, men an ka fè'w vwè lé nouvélis é animatè ké palé on "bon" kréol sé ké on manniè pou ba kréol la plis fondalité;davwa ou bien savé fos a média (radio, jounal maké/ télé) é piblisité adan tout sosiété...
Dépi lè nou té la Réinion ( Kabar 2002 ) an di'w sa, an poko tann pies répons... mwen an dakô pou nou mété doubout on latilié-wouchach (= laboratoire?) asi bab-lasa... fo konprann jòdi-jou adan on lékol pou nouvélis péyi Gwada, péyi Matinik, péyi Ayiti, la Giyann. é menm an péyi Frans... fo ni on karésol asi lang kréol é mes é labitid kréol..sé sel mwayen rédé kréol "mediatik" la vin pli vidjò... é bay balan toupatou adan tout larel (politik, ispo, mizik..) mi sé on sobatkoz maké an ka (an ja) wouvè é an ka espéré reponn a metamanniok a GEREC-F si sa... é a dot moun
Al Ibrahim Said (Gerec-Gwada)
50 - An té vlé di'w dé biten ...
Pou zafè a kréyol médiatik la, ki Matinik ki Gwadloup, sé menm biten-menm bagay. Sé nouvélis kréyolopal Matinik la konpwann ou pé enki vini douvan mikwo-la, san papié san hak an men a'y, é ou ka voyé nouvel an kréyol désann. An toujou pansé ki biten-lassa ka plis tjouyé lang kréyol la kè fè'y dibien.
Nou menm, GEREC-F MATINIK, nou ja pwopozé pliziè fwa sé gran télé é radio an nou la voyé novélis a yo fè estaj kréyol èvè nou. Ni on télé ki té entérésé mé i té vlé sa té fet pou ayen !!!
Sa tris toubolman davwa tout ladministrasion fwansé (lapolis, lajistis, la DDDE kisasayésa...) ka mandé nou estaj kréyol é yo ka péyé. Poutan, sé pres enki Bétjé-Fwans ki tini adan direksion a sé ladministrasion-lasa. Neg-la konpwann kè pis i lévé adan kréyol-la, kè i konnet tout biten asi kréyol, kè pon moun pé pa montré'y hak. Mi réyalité-la !
Pou pwopozision-la ou ka fè la, sonjé kè ni 20 lanné dè sa GEREC-F té ja owganizé on "Linivèsité Livènay Kréyol" (Université d'été créole) ki té woulé asi kanpis Chelchè (Matinik) é ki té sanblé met-lékol a Matinik, Gwada, Guiyàn é Sent-Lisi. Kidonk nou pé fè on "Linivèsité Livènay Kréyol ba novélis". Sa toutafetman posib ! Mé fo nou touvé lokal-la, lajan-la, sé pwofésè-la kisasayésa...
Pétet sa té ké bon kè ou réfléchi asou sa é kè ou fè nou on pwopozision.
Sa té ké pé fet Gwadloup. Plis fos !
Rafayel"
Nou menm, GEREC-F MATINIK, nou ja pwopozé pliziè fwa sé gran télé é radio an nou la voyé novélis a yo fè estaj kréyol èvè nou. Ni on télé ki té entérésé mé i té vlé sa té fet pou ayen !!!
Sa tris toubolman davwa tout ladministrasion fwansé (lapolis, lajistis, la DDDE kisasayésa...) ka mandé nou estaj kréyol é yo ka péyé. Poutan, sé pres enki Bétjé-Fwans ki tini adan direksion a sé ladministrasion-lasa. Neg-la konpwann kè pis i lévé adan kréyol-la, kè i konnet tout biten asi kréyol, kè pon moun pé pa montré'y hak. Mi réyalité-la !
Pou pwopozision-la ou ka fè la, sonjé kè ni 20 lanné dè sa GEREC-F té ja owganizé on "Linivèsité Livènay Kréyol" (Université d'été créole) ki té woulé asi kanpis Chelchè (Matinik) é ki té sanblé met-lékol a Matinik, Gwada, Guiyàn é Sent-Lisi. Kidonk nou pé fè on "Linivèsité Livènay Kréyol ba novélis". Sa toutafetman posib ! Mé fo nou touvé lokal-la, lajan-la, sé pwofésè-la kisasayésa...
Pétet sa té ké bon kè ou réfléchi asou sa é kè ou fè nou on pwopozision.
Sa té ké pé fet Gwadloup. Plis fos !
Rafayel"