13.5.2004
Mon ché Raf,
An ay jété zié asi Diksio-a, boug an mwen premié biten an ké di'w, sé on gro woulo bravo, davwa ou sèvi é pi nich-twel la , pou ba kréol-la plis fos, sa sé on bel lidé nef. é an ka vwè chak jou travay la ka vansé, onlo moun toupatou, ka poté grenn sel a yo, sé davwa yo té bizwen on biten kon sa...
Asiré pa pétet, an bout a kod-la, ou ké rivé a sanblé telman dot mo, kifè ou ké ni on diksio a plizié mòso.. kon
Littré a fransé la... é sa pé mofrazé adan on papa " Diksionnè fondal a kreol matiniké" é, on jou, lè tout kréolopal ké met tet ansanm, nou ké rivè fè on "gran diksionnè a tout .. kréol"
Kontinié roulé frè é pa jan lagé !
Al Ibrahim Said (Danik) Gerec-Gwada
46 - An ay jété zié asi ...
An dakò èvè'w : sé pa enki on "Diksionnè fondal a kréyol matiniké" pou nou rivé fè, sé on "Diksionnè fondal a kréyol l'Anmérik". Kivédi nou té ké sanblé vokabilè a tout péyi kréyolopal lé Zantiy ek l'Anmérik (Lwiziàn, Guiyàn, Bénézwel, Brézil kisasayésa...).
Sa té ké fè an bel trézò ba lang an nou la, on trézò kè sé jénérasion-la ka vini la té ké pé sèvi davwa, anmizi-anmizi, yo ka ped kréyol-la. An tin kontak èvè pliziè moun
Bénézwel ki ka palé kréyol an nou la é ki ka chaché fè on biten ba lang a yo. Yonn adan yo, Juan Facendo, la ka travay asi on "Diksionnè kréyol Bénézwel-Pagnol". Ou ka vwè sitiyasion-la grav mé i pa an délala !
Plis fos !
Afarel
Sa té ké fè an bel trézò ba lang an nou la, on trézò kè sé jénérasion-la ka vini la té ké pé sèvi davwa, anmizi-anmizi, yo ka ped kréyol-la. An tin kontak èvè pliziè moun
Bénézwel ki ka palé kréyol an nou la é ki ka chaché fè on biten ba lang a yo. Yonn adan yo, Juan Facendo, la ka travay asi on "Diksionnè kréyol Bénézwel-Pagnol". Ou ka vwè sitiyasion-la grav mé i pa an délala !
Plis fos !
Afarel