27 - A kouman zòt fika ? ...

Partage entre internautes
Répondre
Potomitan
Moderator
Moderator
Messages : 200
Inscription : vendredi 09 juillet 2004 16:18
Contact :

27 - A kouman zòt fika ? ...

Message par Potomitan »

7.5.2004

A kouman zòt fika ?

Pou koumansman, roun bidim kannon-maripa lanmen pou moun-yan ki djoubaté asou sa pagra-mo, men tou asou tout pagra-twél Kapèskréyòl.

Afarèl ki toujou rété annan so larèl, Kounta pou pagra-twél i koumansé métba, Francesca li osi ki dépi laswis pa ka fè kata-kata, ké tout larèstan mo pa mété annan.

Bèl plézi di wè roun dézyenm disyonnen asou pagra-twél-a aprè sa di Larényon di nou blada Franswa : Kréol rényoné

Tchò kontan di wè ki kréyòl-a rivé trapé so pozisyon asou roun bagaj modèrn, bèl kalòt pou sa ki té ka pansé ki a palò flo rounso.

Mo jiskont jété déztrwa koutwéy, mo ké viré piti-piti bay déztrwa biy asou sa mo ké wè.

Aprè Larényon, Lamartinik, asirépapitè Gwada ké Lagwiyann ké gen pou djoubaté.

Jiskont roun ti bèt : mo wè i gangnen mo (palò-marké) soti annan palò liv marké, ès i gangnen mo ki soti annan palò ké moun anjistré oben kont anjistré ?

Men roun déja (kréyòl gwiyannen) "tifanm-an té AMÒRFWAZÉ annan roun manman zengnen (roun manman-djab)" : soti annan kont JÉRÒM KÉ MANMAN ZENGNEN tandé atè Senjòrj Loyapòk 1995 koté défen mouché Kanm

BWÈT-PALÒ : "lésé zòt palò asou mo bwét-palò" : soti annan bwét-palò (répondeur) krakémantò

Asou sa mo ka di zòt jouk rounòt lalin,
franck compper
mèt-konvwé Krakémantò
Potomitan
Moderator
Moderator
Messages : 200
Inscription : vendredi 09 juillet 2004 16:18
Contact :

Message par Potomitan »

Kou to divet savé, a kréyol martiniké rounso ki pa té gen so pwop diksioner. Tout kréyol gen so pa. Guiyanè-a gen diksioner G. Bathelemy a, pa ekzanp. Mo fè di-set lanné rouchach asou vokabilè kréyol-a ké mo désidé mété yo asou Enternet davwè a roun bet ki modern. Sa pa lé di ki mo pé ké fè roun édision-papié di diksionnè-a. Sa ké vini roun jou !

Mo simié diskité épi enternot-ya pou yo endé mo kontinié travay-a. To lé sav eskè gen dé mo ki soti annan pawol-palé oben kont kréyol? Wi, gen rounlo adan mo diksionner. Pa obliyé ki mo fè roun liv ki ka sanblé pawol tout vié kontè la Karayik ké la Guiyàn. Sa liv-a, so tit sé "Les Maîtres de la parole créole" ké li paret kay édision Gallimard an lanné 1996.

Lò mo té ka travay bò di kontè-ya, mo profité pou kolekté roun patjé mo ansien ki mo mété annan mo diksionner.

Mo ka félisité to osi pou to pagra-twel, KRAKEMENTO, ké pou tout travay-a to ka fè alantou kont-a.

Tjenbé red, vié frè !

Afarel
Répondre