3.5.2004
(Let-la sa maké an Kréyol Karukéra).
Sa Raphael Confiant sòti fè nou kado-la, sé travay é réfleksion a tout on vi pasioné, hardi, dévoué a koz a kilti é lang kréyol Matnik mé pa selman. Confiant sé on gadmanjé a la kréyolité tou patou i ka egzisté si la tè.
Sa ki pli bel ankò, Confiant ka ban-nou kivou-kimwen lokazion kontribiyé, on chans pou nou mété lan men é rann travay-la pli konplet, pli éfikas, ékidonk pli itil ankò.
Raphael toujou ankourajé mwen bat pou zouti enternet-la sèvi nou, nou pep kréyol. I toujou dimwen pa lagé, lèwvwè dèpi an 96 an té lansé on nichtwel pou préparé capes é agrégasion anglé, on travay lou, mé ki sèvi on chay moun pasé sé konkou-la sa, ki o péyi, ki an Fwans.
Li menm ay, Raphael woulé pou kandida kapes é moun ki anvi konnet kréyol trapé fos é vayans gras a sibernétikweb-la, é avwala mi a prézan, i ka mandé-nou travay bwaré pou mété an wout on zouti lengwistik pli vivan, on rèsous nekplisiltra. I vlé fè maji a teknoloji interaktiv-la sèvi koz primordial annou - sové on kilti é bay nannan pou timoun annou pa viv kon bwabwa san nanm, san fos, san ahak ki ta yo...
Dapré mwen, kidonk, lidé fè Diksionnè-la sa sé on tantativ jénial pou sové sa ki tan-nou, sé on chans inkomansirab pou kenbé kréyol doubout adan gran janbé lanmè Kalapani-la i ka soufè a prézan-la.
An ka espéré tout moun ki enmé kréyol é ki ja rikonnet valè a sa nou yé, grandè a sa nou tini ki tan-nou, riches a sa nou ja rivé fè épi droldistwa konpliké a chien maré fet pou bat annou-la, yo ké sa aprésié sa, é poté lan men, tanprisilvouplè.
Gran mèsi Afarel pou egzanp dévouman-la, pou sipèw kado-la sa.
An ka priyé pou fos a lenfini ki andidan-nou menm simé milflè si wout a'w pa krey, é pou bondié a zendien kon ta neg é ta lézot voyé gras désann, pou milpat é koulev chié an bwa toupatou ou pasé épi Diko-Vivan la sa an ba bra a'w !
Jean S. Sahaï
Pwofèsè anglé
Lycée d'Hôtellerie et de Tourisme
St Felix, Gosier
Guadeloupe
10 - (Let-la sa maké an Kréyol Karukéra) ...
10
Ce dictionnaire créole est aussi celui de l'Indianité car cette dernière est une part (importante) de la première avec la Négritude, la "Blanchitude" ou la "Sinitude".
Ce que j'aimerais c'est qu'en temps qu'expert en indianité créole, tu vérifies les mots tamouls figurant dans mon dictionnaire et surtout la justesse de leurs définitions. Il est fort possible qu'il y ait des erreurs et justement l'intérêt de la mise en ligne, c'est la possibilité qui m'est donnée d'effectuer à tout moment des améliorations.
Kenbé red, frè malaba an mwen !
Raphaël
Ce que j'aimerais c'est qu'en temps qu'expert en indianité créole, tu vérifies les mots tamouls figurant dans mon dictionnaire et surtout la justesse de leurs définitions. Il est fort possible qu'il y ait des erreurs et justement l'intérêt de la mise en ligne, c'est la possibilité qui m'est donnée d'effectuer à tout moment des améliorations.
Kenbé red, frè malaba an mwen !
Raphaël