Pouki biten fò nou mèt kréyòl douvan douvan? (Woulo bravo!)

[Shaka Zulu]

An sòti rivé adan sit a "potomitan" davwa an té ka èché on sit ki ka défann lang fondamantal é natal an nou, lang a manman nou, KREYOL.On lang kè moun ka palé é maké onlo kòté asi la tè.Ou tini Gwadloup,Matnik,Gwiyan,Ayiti,Domnik,Sentlisi,Senmawten,Trinidad,Lwizyan,Réinyon,Séchèl,Moris...Sa bèl lè ou ka trouvé dé sit kon zòt(montraykréyòl,potomitan...)ki ka mété lang kréyòl-la douvan douvan.Nou tini dé lang fwansé é kréyòl alò an pa ka vwè pou ki biten nou dwèt mété yenki fwansé douvan?Mwenmenm Shaka Zulu on sé on militan é an ka défann péyi Gwadloup davwa an ka kwè kè fò pèp an mwen sòti adan asimilasyon-la yo mété'y-la.Fò nou défann kilti an nou, mès é labitid an nou, fò nou fè travay-la sa siwtou kòté jénès a péyi-la.Davwa fò pa nou obliyé kè jénès-la sé divini a on péyi.Mwenmenm mwenmenm an désidé bokanté pawòl adan lang a péyi-la asi tout sit otila tini karibéyen.Alò ankò on fwa an ka di zòt woulo bravo ba dé sit kon zòt ki désidé mété kréyòl douvan douvan.

[CHANTAL]

An dako evè ou

http://charlieenchaine.free.fr/?Le-Nouv ... t-du-Monde

Kinbé red pas molli.

Chantal