Potomitan

Pral gen lapè sou latè

Pral gen lapè sou latè!
Lè sa a se pap zèv ankenn Lidè.
L ap Blayi nan tout kwen latè,
Piske Wayòm Bondye a ap rive toutalè.

Pap gen ni rèl ni doulè.
Menm Ianmò ap vole gagè.
Mechan ap disparèt tankou kout zèklè.
Lajistis ak larichès ap simaye sou tout latè.

Gen espwa pou Latè.
L ap sispann vin yon dezè.
Tout kote ap fleuri tankou yon forè
Ak moun, bèl flè e pwodui alimantè.

Se pral bèl fèt.
Moun pa nou yo ki disparèt
Pral leve an frechè san maltèt.
Ap gen lapè menm pami bèt.

Latè pral tou nèf.
Lyon, tig ap manje zéb tankou bèf
Pap gen ni dèy, ni vèf
Piske Jezi, Leseyè, ap sèl Chèf.

Chak moun ap gen pwòp Kay pa l.
N ap viv nan inite san divizyon sosyal.
Piske maladi kaba, pap gen plas pou lopital.
Lavi nou ap long e klere pase yon bouke zetwal.

Tout latè pral kriye nan lajwa.
Satan ak Demon l yo pap la.
Jewova repare tout Dega.
Li ban nou yon lòt depa.

Ann louwe li e ba li glwa.
Li ta renmen nou tout la.
Ann fè efò pou sa
Paske li se yon bon Papa.

Eske w ap la ?
Ann travay pou sa !

joli