jou nou kontre

[Deewoy Derosier R]

Premye jou
N'kontre cheri
Ou gade'm
jouk m pedi nan gade'w
Pou paradi sanble n

Premye jou
N'kontre cheri
kè'm ak kè'w fè yan
Sou konn lè zèklè
Ap kata kalinda
Sou do nyay.

Premye jou
N'kontre cherie
M souri mezi dyôl mw
Pou'w pa sispèk
Map flate belte'w
kou rena pou fronmaj kè

premye jou
M kontre'w cheri
M t gen pèd parôl
latranblad
Ak on sèl lwa moun dou
ou fè kè'm pran sakad
Kouwè grandou 5 bwa
lavèy vendredisen....

Premye jou
N'kontre cheri
M wè tout koulé
M wè bonè
m wè lajwa
M wè kè kontan
Ata m wè mizè
Je kale dwèt gaye nan demenm,

Men m pap kache'w sa
Jou sa kou'w fin ale cheri
Mal chita bôdmè
pou'm veye lonbray ou
kap desann dèyè zile lagonav...