Potomitan

JOZYAN

JOZYAN

Se te nan yon stadyòm
Mwen rankontre Mis Dezòm
Mwen gade l, li gade m,
San l pa pale, li fini pa chame m

Kè mwen leve chalè.
M'ap chèche yon bon lè
Pou m al pran yon chans
Ale fè li konesans

Premye ti lanmen,
Mwen santi m desounen.
Mwen pran latranblad.
Mwen swe nan tout rad

Mwen pa desi
Ti flè a trè janti
Li rele mwen Jowi
Mwen rele li Jozi

Depi lè sa a, nou jire
Pou n pa janm separe.
Nou toujou ret kotakòt
Kankou nou te fèt yòn pou lòt.

Ti dam sa se konpay lespwa m
Se pafen lajwa m.
Se limenm ki fè m ri
Lè ti kè m ap soufri

Jodi a Premye Avril, tou nèf
Devan Dye, devan lèzòm,
Li pa rele JOZYAN DEZÒM
Se Madan JOWÈL JOZÈF.
.
EKRI POU JOWÈL : OKAZYON MARYAJ