Potomitan

Ayiti : Eleksyon gagòt 2010


Eleksyon gagòt
Nan yon demokrasi wòwòt
KÈP la lote vòt
Pou zòt
Pou li ka fè dyapòt
Tankou lè Kòkòt
Blayi bannann gwòsbòt
Ak panyen kawòt
Nan mache Seradòt


Kandida lapòpòt
Kontinye fè lamayòt
Dèyè yon pouvwa tòtòt
Y ap gade nan chanmòt
LONI mande kòwòt
Pou korije tout fòt
Tankou lè Chalòt
Ap grate kras plòt
Nan yon chay vye kilòt

Pèp ayisyen pran bòt
Tout atoufè tichòt
Ki pran l pou nèg sòt
Nan vle fè l vale glòt
Yon rezilta kraze kòt
Pandan l anba gwo kalòt
Kolera ki tabli l devan tout pòt
Alòske MINUSTHA anbiskay nan papòt
Pou l ka garanti tout enterè matlòt


Miguel Dumay
Desanm 2010

Kowòt kandida wòwòt ak fo patriyòt nan eleksyon lamayòt 2015 ki touprè nan papòt la, pral resevwa menm nòt. Zòt ap kwape bòt yo e se sitwayen dan rachòt nan kòkòt Zòt kap genyen plis vòt.

BON TRAVAY , MIGUEL

Merci pour la partage des informations.


__________________________________
etui galaxy s6 coque galaxy s6 edge